IPL 2021: دھونی کی چنئی ایکسپریس نے پکڑی رفتار ، راجستھان کو شکست دے کر ٹاپ 2 میں پہنچی

ممبئی : آل راؤنڈر رویندر جڈیجہ (28 رن پر دو وکٹ اور چار کیچ) اور معین علی (سات رن پرتین وکٹ) کی عمدہ گیند بازی کی بدولت پیر کو چنئی سپر کنگز نے راجستھان رائلز کو 45 رنز سے شکست دے دی۔ (Image: IPL/BCCI)

چنئی نے فاف ڈو پلیسیس (33) ، معین علی (26) اور امباتی رائیڈو (27) کی شاندار اننگز سے 20 اووروں میں نو وکٹوں پر 188 رنز کا مشکل اسکور بنایا اور پھر راجستھان کو نو وکٹ پر 143 رن پر روک کر مقابلہ 45 رنز سے اپنے نام کیا۔ (Image: IPL/BCCI)

راجستھان ایک وقت میں دو وکٹوں پر 87 رنز پر کافی اچھی پوزیشن میں تھا۔ اس وقت جوز بٹلر 49 رنز بنا کر کریز پر موجود تھے لیکن جڈیجہ نے 12 ویں اوور کی پہلی خوبصورت گیند سے بٹلر کو بولڈ کیا اور پھر اسی اوور میں آخری گیند پر شیوم دوبے کو ایل بی ڈبلیو کردیا۔ (Image: IPL/BCCI)

اس کے بعد معین نے ڈیوڈ ملر ، ریان پیراگ اور کرس مورس کو آؤٹ کیا اور میچ کو چنئی کی طرف موڑ دیا۔ (Image: IPL/BCCI)

چنئی نے اس طرح تین میچوں میں اپنی دوسری جیت حاصل کی جبکہ راجستھان کو تین میچوں میں دوسری شکست کا سامنا کرنا پڑا۔ (Image: IPL/BCCI)