دھرما پروڈکشن سے کارتک آرین کی ہوئی چھٹی ، اداکار کو کیا بلیک لسٹ! ، جانئے وجہ

ممبئی : بالی ووڈ اداکار کارتک آرین (Kartik Aaryan) کو مبینہ طور پر دھرما پروڈکشن  (Dharma Productions) نے فلم دوستانہ 2 (Dostana 2) سے باہر کا راستہ دکھا دیا ہے ۔ میڈیا رپورٹس کے مطابق اداکار پر غیر پروفیشنل رویہ کا الزام لگاتے ہوئے پروڈکشن کمپنی نے انہیں فلم سے باہر نکال دیا ہے ۔ ساتھ ہی یہ فیصلہ بھی کیا ہے کہ اداکار آگے بھی کبھی پروڈکشن ہاوس کے ساتھ کام نہیں کرسکیں گے ۔ کرن جوہر کا پروڈکشن ہاوس 2008 کی ہٹ فلم دوستانہ کے سیکویل میں کارتک کو بطور لیڈ اداکار لے رہا تھا ۔

PeepingMoon.com کے مطابق دھرما پروڈکشن نے کارتک آرین کو بلیک لسٹ کردیا ہے ۔ یعنی اب اداکار کبھی بھی پروڈکشن ہاوس کے ساتھ کام نہیں کرسکیں گے ۔ پروڈکشن ہاوس پہلے سے ہی دوستانہ 2 پر کام شروع کرچکا ہے اور یہ کم ہی ہوتا ہے جب کوئی پروڈکشن کمپنی یوں درمیان میں کسی اداکار کو تبدیل کردے ۔

کارتک آرین پہلے ہی دوستانہ 2 کیلئے 20 دنوں کی شوٹنگ شیڈیول پورا کرچکے ہیں ۔ بتایا جارہا ہے کہ اداکار کو ان پروفیشنل بتاتے ہوئے پروڈکشن ہاوس نے یہ فیصلہ کیا تھا ۔ اس کے علاوہ اداکار کی ڈیٹ کو لے کر بھی پروڈکشن ہاوس کلیئر نہیں تھا ۔ اداکار کی ٹیلنٹ مینجمنٹ کمپنی کی جانب سے دوستانہ 2 کو لے کر اداکار کی تاریخ صحیح طور پر نہیں بتائی گئی تھی ۔

کارتک آرین نے اکتوبر 2019 میں اپنے انسٹاگرام اکاونٹ پر اعلان کیا تھا کہ انہوں نے دوستانہ 2 کیلئے تیاری شروع کردی ہے ۔ اس پوسٹ میں اداکار ہاتھ میں دوستانہ 2 کی ایک اسکرپٹ لئے نظر آئے تھے ۔ اس کے علاوہ اداکار نے کچھ انٹرویوز میں بھی فلم کو لے کر خوشی ظاہر کی تھی ، لیکن اب انہیں اس فلم سے الگ کردیا گیا ہے ۔