مصر میں ریل حادثہ، 11 لوگوں کی موت، 98 زخمی، سوشل میڈیا پر سامنے آیا حادثے کا بھیانک ویڈیو

قاہرہ: اتوار کے روز مصر (Egypt) کے دارالحکومت قاہرہ میں ایک ٹرین (Train) پٹری سے اتر گئی جس میں کم از کم 11 افراد ہلاک (Death) اور 98 افراد زخمی ہوگئے۔ افسران نے یہ معلومات فراہم کیں۔ ریلوے اتھارٹی نے ایک بیان میں کہا ہے کہ شمال میں صوبہ کلوبیا کے شہر بانہا سے ٹرین کی 8 بوگیاں پٹری سے اتر گئیں۔

اس حادثے کی ویڈیوز سوشل میڈیا پر سامنے آئیں ہیں جس میں ٹرین کے ڈبے پلٹے نظر آرہے ہیں اور مسافر باہر نکلتے ہوئے دکھائی دے رہے ہیں۔ یہ ٹرین نیل ندی ڈیلٹا کے شہر منصورا سے مصر کی راجدھانی قاہرہ جارہی تھی۔ وزارت صحت نے بتایا کہ حادثے میں 98 افراد زخمی ہوئے ہیں اور فوری طور پر حادثے کی وجوہات کا پتہ نہیں چل سکا ہے۔

آپ کو بتادیں کہ حال ہی میں جنوبی مصر (Egypt) میں ایک اور ٹرین حادثہ پیش آیا تھا۔ اس خوفناک ٹرین حادثے میں تقریبا 32 افراد کی موت ہوگئی تھی جبکہ 66 افراد زخمی ہوئے تھے۔ یہ حادثہ دارالحکومت قاہرہ سے 365 کلومیٹر جنوب میں واقع ہوا تھا یہ صوبہ سوہاگ کے ٹھاٹا نامی قصبے کے قریب ہوا۔ یہ حادثہ وسطی مصر میں اس وقت پیش آیا جب کسی نے ٹرین میں ایمرجنسی بریک لگایا جس سے ٹرین رک گئی۔ اس وجہ سے پیچھے سے آنے والی دوسری ٹرین اس سے ٹکرا گئی۔

افسران نے بتایا کہ ایک اور ٹرین بھی اسی سمت سے اسی ٹریک پر آرہی تھی۔ ٹکر اتنی زوردار تھی کہ ٹرین کے بہت سے ڈبے پٹری سے الگ ہو کر پلٹ گئے۔