بیٹی 'وامیکا' کی پہلی تصویر پر وراٹ کوہلی نے کیا دل جیت لینے والا کمنٹ ، جم کر ہورہی تعریف

ہندوستانی کرکٹ ٹیم کے کپتان وراٹ کوہلی اور ان کی اہلیہ انوشکا شرما حال ہی میں بیٹی کے ماں باپ بنے ہیں ۔ جنم کے بعد وراٹ اور انوشکا کی بیٹی کی پہلی تصویر سامنے آگئی ہے ۔ اس کے ساتھ ہی اس جوڑے نے اپنی بیٹی کو وامیکا نام دیا ہے ۔ انوشکا شرما نے بیٹی کی پہلی تصویر وراٹ کوہلی کے ساتھ شیئر کی ہے ۔ انوشکا کی اس تصویر پر وراٹ کوہلی نے بھی کمنٹ کیا ہے ، جو فینس کا دل جیت رہا ہے ۔ (Anushka Sharma/Instagram)

وراٹ ۔ انوشکا نے گزشتہ سال اگست میں جانکاری دی تھی کہ وہ ماں باپ بننے والے ہیں ۔ ان کے گھر گیارہ جنوری کو بیٹی کی پیدائش ہوئی تھی ۔ انوشکا شرما کی شیئر کی گئی اس تصویر پر وراٹ کوہلی نے کمنٹ کرتے ہوئے لکھا : میری پوری دنیا ایک فریم میں ۔ انوشکا اور وراٹ گیارہ دسمبر 2017 کو اٹلی میں ایک نجی تقریب میں شادی کے بندھن میں بندھے تھے ۔ (Anushka Sharma/Instagram)

انوشکا شرما نے وراٹ کوہلی اور بیٹی کے ساتھ تصویر شیئر کرتے ہوئے انسٹاگرام پر لکھا : ہم نے پیار کے ساتھ زندگی گزاری ، لیکن اس ننہی جان وامیکا نے زندگی کو ایک بالکل نئی سطح پر پہنچا دیا ۔ کئی مرتبہ کچھ ہی منٹوں میں ہی آنسو ، ہنسی ، فکر ، لطف جیسے جذبات کا احساس ہوجاتا ہے ۔ (Virat Kohli/Intagram)

انوشکا شرما نے مزید لکھا : نیند تو اب غائب ہی ہے ، مگر ہمارے دل خوشیوں سے لبریز ہیں ۔ نیک خواہشات اور دعاوں کیلئے آپ سبھی کا شکریہ ۔ بتادیں کہ بیٹی کی پیدائش کے بعد ہی انوشکا شرما اور وراٹ کوہلی نے پیپراجی سے ان کی بیٹی کی پرائیویسی کا احترام کرنے اور اس کی تصویر یا دیگر کوئی جانکاری شائع نہ کرنے کی اپیل کی تھی ۔ (Virat Kohli/Instagram)

وراٹ کوہلی فی الحال ٹیم انڈیا کے ساتھ انگلینڈ کے خلاف سیریز کیلئے چنئی میں ہیں اور لازمی کوارنٹائن پورا کررہے ہیں ۔ اس سے پہلے آسٹریلیا کے دورہ پر ایڈیلیڈ میں پہلا ٹیسٹ میچ کھیلنے کے بعد وراٹ کوہلی ملک لوٹ آئے تھے ۔ اب بیٹی کی پیدائش کے بعد وہ پھر ٹیم کے ساتھ وابستہ ہوگئے ہیں ۔ (Virat Kohli/Twitter)