IND vs ENG: جو روٹ نے 100 ویں ٹیسٹ میں ڈبل سنچری بناکر رقم کی نئی تاریخ ، انضام کو بھی چھوڑا پیچھے

انگلینڈ کے کپتان جو روٹ نے 100 ویں ٹیسٹ میں سب سے زیادہ نجی اسکور بنانے والے پاکستان کے کھلاڑی انضمام الحق کا ریکارڈ توڑ دیا ہے اور وہ 100 ویں ٹیسٹ میں ڈبل سنچری بنانے والے پہلے بلے باز بن گئے ہیں ۔ تصویر : اے پی ۔

انضمام نے مارچ 2005 میں اپنے 100 ویں میچ میں بنگلورو میں ہندوستان کے خلاف 184 رن بنائے تھے اور روٹ نے ہندوستان کے خلاف چنئی میں پہلے ٹیسٹ کے دوسرے دن ہفتے کو انضمام کا یہ ریکارڈ توڑ دیا۔ روٹ نے چھکا مارکر ڈبل سنچری پوری کی۔ ان کی یہ پانچویں اور پچھلے تین ٹیسٹوں میں دوسری ڈبل سنچری ہے۔

30 سالہ روٹ تاریخ میں اپنے 100 ویں ٹسٹ میں سنچری بنانے والے منتخب کھلاڑیوں کی فہرست میں شامل ہوگئے ہیں۔ وہ یہ اعزاز حاصل کرنے والے ٹسٹ تاریخ کے نویں بلے باز ہیں۔ تصویر : نیوز 18۔

روٹ کے کیریر کی یہ 20 ویں اور مسلسل تیسری سنچری ہے۔ روٹ دنیا کے واحد ایسے کھلاڑی بن گئے ہیں ، جنہوں نے اپنے 98 ویں ، 99 ویں اور 100 ویں ٹسٹ میچ میں سنچری بنائی ہے۔ تصویر : اے پی ۔

بتادیں کہ روٹ نے اپنے ٹسٹ کیریز کا آغاز ہندوستان کی سرزمین سے کیا تھا۔ انہوں نے اپنا 50 واں ٹسٹ اور 100 ٹسٹ بھی ہندوستان میں کھیلا۔ ہندوستان کے خلاف ان کی یہ پانچویں سنچری ہے۔ تصویر : نیوز 18۔