1/ 4
نئی دہلی: جو روٹ (Joe Root) کی کپتانی میں انگلینڈ نے سری لنکا (England vs Sri Lanka) کو دوسرے ٹسٹ میچ میں بھی شکست دی۔ گالے میں کھیلے گئے دوسرے مقابلے میں مہمان ٹیم نے 6 وکٹ سے جیت درج کی اور اسی کے ساتھ اس نے ٹسٹ سیریز میں کلین سوئپ بھی کرلیا۔ سری لنکا نے انگلینڈ کو 164 رنوں کا ہدف دیا تھا، جسے اس نے 4 وکٹ کے نقصان پر حاصل کرلیا۔ دوسری اننگ میں سلامی بلے باز ڈوم سبلے نے ناٹ آوٹ 56 رن اور جوس بٹلر نے ناٹ آوٹ 46 رن بناکر انگلینڈ کو جیت دلائی۔ سری لنکا کے لئے بائیں ہاتھ کے اسپنر لست اینبل ڈینیا نے میچ میں کل 10 وکٹ حاصل کئے۔ تصویر کریڈٹ: ڈوم سبلے کے انسٹا گرام سے۔
2/ 4
انگلینڈ کے کپتان جو روٹ کو مین آف دی میچ ایوارڈ ملا۔ جو روٹ نے پہلی اننگ میں 186 رنوں کی اننگ کھیلی تھی۔ جو روٹ مین آف دی سیریز بھی منتخب کئے گئے۔ جو روٹ نے 2 ٹسٹ میچوں میں 106.50 کی اوسط سے 426 رن بنائے۔ جو روٹ نے پہلے ٹسٹ میں ڈبل سنچری لگائی تھی۔
3/ 4
انگلینڈ نے سری لنکا پر جیت حاصل کرکے 107 سال پرانا ریکارڈ توڑ دیا۔ واضح رہے کہ انگلینڈ نے سری لنکا کو شکست دے کر بیرون ممالک میں مسلسل پانچ ٹسٹ میچ جیتنے کا کارنامہ انجام دیا ہے۔ انگلینڈ نے جنوبی افریقہ میں تین اور اب سری لنکا میں دو ٹسٹ میچ جیتے۔ اس سے پہلے سال 1914 میں انگلش ٹیم نے مسلسل 7 ٹسٹ میچ جیتے تھے۔ واضح رہے کہ بطور کپتان جو روٹ نے بھی بڑی حصولیابی حاصل کی ہے۔ جو روٹ کی کپتانی میں انگلینڈ گزشتہ 10 ٹسٹ میچوں میں ہارا نہیں ہے۔ تصویر کریڈٹ: جو روٹ کے انسٹا گرام سے۔
4/ 4
انگلینڈ نے گالے میں کھیلے گئے دوسرے ٹسٹ میچ میں ایسا کارنامہ انجام دیا ہے جو کہ پہلے کوئی ٹیم نہیں کرپائی ہے۔ انگلینڈ دنیا کی پہلی ٹیم ہے، جس نے پہلی اننگ میں سبھی 10 وکٹ تیز گیند بازوں کے دم پر جھٹکے۔ وہیں دوسری اننگ میں سبھی 10 وکٹ اس کے اسپنروں نے حاصل کئے۔ تصویر کریڈٹ: ڈوم بیس کے انسٹا گرام سے۔
